Die veg-en-bou-plan se kernfokuspunte is veiligheid, selfstandigheid, geregtigheid, identiteit en organisasiebou.
Die tak se program lyk as volg:

•26 September – Begraafplaasdiens by die Vanderbijlpark-begraafplaas
•27 September – Skoonmaak van veld parkie: Die plek sal bevestig word.
•28 September – Vul van slaggate vul: Plek sal bevestig word.
•29 September – Boomplantdag by Lochvaal-deurgangshuis
•29 September – Boomplantdag by Nanescol-begraafplaas
•29 September – Laerskool Vaalrivier bederf en speel by kinderhuis
•30 September – Dag van bederf en kuier by Pioneer House
•1 Oktober – Massapatrollie

“AfriForum wil ’n toekoms skep waar Afrikaners vry, veilig en voorspoedig hier aan die suidpunt van Afrika kan voortbestaan, in vreedsame naasbestaan en met wedersydse erkenning en respek.

“Ons wil die bestaande werklikhede op ’n sinvolle manier beïnvloed en nuwe ‘werklikhede’ skep deur selfstandige gemeenskappe en sterk gemeenskapsinstellings te bou en te ondersteun.

“Hierdie plan kan in twee eenvoudige woorde opgesom word: ‘veg’ en ‘bou’,” sê Kallie Kriel, uitvoerende hoof van AfriForum.

Die tak het ook ’n leuse vir die veg-en-bou-week geskep naamlik: “Veg agteruitgang en bou ’n toekoms”.

As ’n gemeenskap saamstaan en help bou, kan en sal ons dit saam regkry. Die tak nooi die gemeenskap daarom uit om by AfriForum betrokke te raak en om saam met die organisasie te werk om agteruitgang te beveg.

Skakel 072 908 1345 of stuur ’n e-pos na vanderbijlpark@afriforumtak.co.za vir meer inligting of om by dié week betrokke te raak.