VEREENIGING. – Die polisie was tydens Vaalweekblad se besoek Vrydagmiddag steeds op die toneel met die forensiese eenheid wat op pad was.

Volgens bronne op die toneel is verskeie skote buite die winkelsentrum afgevuur.

Die gewapende verdagtes het glo die vroulike personeel van die winkel met vuurwapens aangehou en selfone, klere en kontant gebuit voor hulle op die vlug geslaan het.

Blykbaar het hulle in twee verskillende voertuie weggejaag, waarvan een glo ‘n Toyota Corolla is.

Vaalweekblad het nog nie ‘n amptelike verklaring van die polisie af ontvang nie, maar sal die storie opdateer sodra ons meer inligting het.