Die man is ‘n dag tevore as vermis aangemeld.

Polisieduikers onder leiding van lt. kol. Conrad Fouche is ontbied nadat die klere van die vermiste man naby die rivier aangetref is.

‘n Bybel met die oorledene se naam en adres in het die veewagter wat op die klere afgekom het glo in staat gestel om die familie op te spoor.

Die oorledene het op 27 September vermis geraak, maar die familie het hom nie as vermis aangemeld nie aangesien hulle gedink het dat hy in die omgewing van Qalabotjha in Villiers was.

Hulle het bekommerd begin raak toe ‘n veewagter hulle in kennis gestel het dat hy die klere en bybel van die vermiste persoon naby die rivier gevind het.

‘n Geregtelike doodsondersoek word gedoen en ‘n nadoodse ondersoek sal gedoen word om die oorsaak van die man se dood te bepaal.