VEREENIGING. – Die nuutste verwikkeling volg op drama rondom die geheimsinnige verdwyning van Cindy van Niekerk, ‘n swerwende vrou (die familie dring aan dat sy nie “haweloos” was nie) wat glo gereeld die kampie besoek het maar aan die einde van Maart spoorloos verdwyn het.

Hoewel DNS-bewyse nog nie beskikbaar is nie glo die familie en vriende van Cindy dat ‘n lyk wat in April in die Vaalrivier by Viljoensdrif gevind is dié van Cindy is.

‘n Gedeelte van die lyk sy kop is kaal geskeer en dit lyk of die persoon gestenig is.

Pieter van Niekerk, broer van die vermiste Cindy, erken dat hy gisteraand by die kampie was waar sy suster voor haar verdwyning gebly het.

Hy ontken dat hy die inwoners gedreig of tente aan die brand gesteek het.

Volgens hom het hy op klere naby die kampie afgekom wat glo aan Cindy behoort het.

Dit was glo onder die grond versteek.

Pieter het navrae na die ondersoekbeampte verdwys en die foon neergesit.

Die ondersoekbeampte is tans met verlof.