VANDERBIJLPARK. – Wyk 23 se kiesers in Vanderbijlpark se stemlokaal is by Laerskool Frikkie Meyer.

Teen 12:00 was daar heelwat motors buite die skool geparkeer, maar bittermin kiesers binne die skoolterrein.

Anders as in die verlede, is die stembussies hierdie jaar in twee klaskamers naby die skool se eerste ingang.

Die skool ongergaan ‘n groot opgraderingsproses, daarom kon die saal nie soos gewoonlik ingespan word nie.

Almal is baie vriendelik en die hele proses gaan vinnig met die ekstra voordeel dat die stoepmuurtjie net die regte hoogte is om teen te leun terwyl jy jou beurt afwag.

Die OVk amptenare het gesê hulle was vroegoggend baie besig, maar teen etenstyd was daar weinig mense.

Hulle verwag meer mense hier van 16:00 af.

Voor die skool se ingang is drie politieke partye teenwoordig.

Almal vriendelik en vol geesdrif ten spyte van die hitte en lang ure.

Mense wat nog wil gaan stem, moet maar hul eie swartpenne saamneem.

Maak ook seker dat die regte vorm in die regte stembus beland.

Onthou  jy moet stem waar jy geregistreer is.