VEREENIGING. – Die Koning van Rock and Roll mag dalk op 16 Augustus 1977 aan hartversaking gesterf het, maar Shaky Russel blaas met sy energieke vertonings, wit pak, blou suede skoene en nagemaakte bakkebaardjie nuwe lewe in Elvis in!

(Het Elvis nog gelewe sou hy op 8 Januarie volgende jaar sy 87ste verjaarsdag gevier het).

Daar is na raming tussen 250,000 en 400,000 Elvis-nabootsers wêreldwyd, maar min van hulle is so uitsonderlik passievol soos Shaky Russel!

Die man wat al gehore in Suid-Afrika en oorsee in vervoering gehad se energie en styl is baie soortgelyk aan dié van Elvis homself.

Shaky Russel het Saterdag se vertoning as die “Grand Finale” beskryf.

Mense wat sy Elvis-optredes gemis het sal ongelukkig moet wag tot hy weer ’n draai in hierdie geweste maak.

*Musiekliefhebbers kan egter uitsien na ’n huldeblykvertoning oor die Sweedse popgroep ABBA wat op 10 Desember by On the Vaal plaasvind! *Skakel die Riviera on Vaal Resort by (016) 420-1300 of stuur ’n e-pos aan info@rovresort.co.za vir meer inligting oor hierdie interessante vertoning wat voorlê.