MIDVAAL. – Business Day berig dat die DA onthul het dat Baloyi die DA se premierskandidaat vir Gauteng in 2024 is en dat hy voortaan ’n “reuse deel” in die party se toekoms sal speel.

Baloyi is in 2013 tot burgemeester van die Midvaal Plaaslike Munisipaliteit verkies, ’n pos wat hy tot vanjaar beklee het.

Onder sy leierskap het die munisipaliteit ses ongekwalifiseerde ouditverslae van die ouditeurgeneraal ontvang.

Die DA se nasionale leier John Steenhuisen het tydens ’n onlangse besoek aan Sicelo in die aanloop tot die munisipale verkiesing die Midvaal Plaaslike Munisipaliteit as ’n “skitternde baken van uitnemendheid” in ’n “see van verwaarlosing, wanhoop en korrupsie” beskryf en Baloyi geloof vir die aandeel wat hy hierin gespeel het.

Die volgende nasionale verkiesing vind in 2024 plaas.