Dis amper vakansietyd. Almal sien uit na ‘n bietjie wegbreek, ontspan en kuier.

Desember of nie Desember nie, ongelukke gebeur en mense benodig steeds bloedoortappings om verskeie redes.

Daarom het Mnr Vaal, Michael Language en Mr Universal South Africa, Werner Volschenk saamgespan om saam met die Suid-Afrikaanse Nasionale Bloeddiens (SANBD) ‘n bloedskenkdag met ‘n verskil te hou.

Op Saterdag, 27 November sal die twee manne om die beurt saam met ‘n paar ander in ‘n “tjoekie” sit by die Emerald Casino in Vanderbijlpark.  

Al hoe hulle uit kan kom is as genoeg mense bloed skenk.

Gas Monkey Pub & Grill gee 10% afslag op jou kosrekening as jy daar gaan eet nadat jy bloedgeskenk het.

Kom deel in die pret! Vanaf 10:00 tot 15:30.