Vanderbijlpark Fotobklub se maandwenners
VANDERBIJLPARK. - Die Vanderbijlparkse Fotografiese Vereniging het onlangs sy voorlaaste klubbyeenkoms gehou en daar is soos gewoonlik voortreflike foto’s ingeskryf.
Die maandtema was “double exposure” en Johan Brits was die beoordelaar.
Die wenner van die maandtema in die senior-afdeling (4, 5 Ster en hoër graderings) was Renée Storme met “Lionness and the moon” en die junior-afdeling (1 – 3 Ster) Chris Bester se “Dreams”.
In die ope-afdeling was die senior-wenfoto Koos Fourie se “Vroeë oggend modderbad”. Hierdie foto was ook die algehele wenfoto van die aand. In die junior-afdeling was Chris Bester se “Care” die wenfoto.
In die monochroom-afdeling was die senior wenfoto “Waterdrop Stars” deur Haig Fourie, en die junior foto “Putting pen to paper” deur Rika Schoeman. Rika se foto was ook die algehele junior-wenfoto van die aand.
In die selfoon-afdeling was Rensia Fourie se “Sunrise” die senior-wenfoto.
In die aanlynkompetisie wat ‘n ope-afdeling is en enige foto ingestuur kan word sonder om die klubaand by te woon, was Mietsie Visser se “Kalahari storm oppad” die wenfoto.
* Die klub kom maandeliks byeen waar alle fotograwe baie welkom is. Klubaande vind op die derde Vrydagaand van elke maand plaas en begin om 18:30. Die kontakpersoon is Johan Brits en hy kan by 082 718 8394 of tsawa@yebo.co.za gekontak word.
FOTOGRAFIE VIR BEGINNERS
As gevolg van ongekende belangstelling bied die klub weer op 19 & 20 Februarie en 26 & 27 Maart 2022 ‘n Beginnerskursus in fotografie aan. Inligting kan by Henk Scheepers by 072 260 0513 of henks@attorneys.co.za verkry word.
Die kursus is daarop gemik om beginner fotograwe ʼn stewige grondslag te gee in die korrekte gebruik van hulle kameras en toerusting.
Die teoretiese opleiding word opgevolg deur praktiese klasse in onder meer landskap; natuur; sport; makro en portretfotografie. Die kursusgangers word ook gewys hoe om basiese fotoverwerking in Photoshop te doen.
