VANDERBIJLPARK. –  Die groot sirkel by President Hyper is omskep in ‘n kleurvolle voëltjieparadys.

Magda van Schalwyk sê hulle het besluit om al die blomme wat hul uit die winkel haal en nie meer so mooi lyk nie in die sirkel te plant.

Zukile Mavuso is aangestel om die sirkel in stand te hou.

Die resultaat het al hul verwagtinge oortref.

Zukile is besig om wondere by die sirkel te verrig.

Dis moeilik om te glo dat die kleurryke blomme enigsins nie as goed genoeg beskou is nie. Die sirkel lyk by die dag mooier.

Magda se seun, Schalk van Schalkwyk, ook ‘n werknemer by President Hyper het intussen ook voëlbakke opgesit en hy sorg dat die voëltjies elke dag kos het.

So het die drie van hulle stil-stil ‘n vaal kol omskep tot ‘n pragtuin en ‘n lus vir die oog.