Die Regering het gister verskeie veranderinge aan die Aangepaste Vlak 1 Covid-regulasies op sy amptelike elektroniese inligtingsblad, https://www.gov.za aangekondig.
Een van die veranderinge behels dat die Aandklokreël opgehef word. Dit beteken dus dat daar nie langer ‘n beperking op die ure van beweging vir mense is nie.
Daar is steeds ‘n beperking van 1000 mense binnenshuis tydens byeenkomste, en 2000 mense buite. Waar die venue te klein is om die getalle te akkommodeer, word dit beperk tot 50% van die vertrek of gebou se kapasiteit.
Instansies wat alkohol verkoop en gelisensieer is om na 23:00 alkohol te verkoop, keer terug na volle lisensiëringsvoorwaardes.
Volgens die Presidensie sal die Nasionale Koronavirus-beheerraad die situasie monitor en aanpassings maak waar nodig, veral as die druk op gesondheidsgeriewe toeneem.
Let wel: Die dra van maskers bly verpligtend.