EIKENHOF. – ’n Woordvoerder vir die Johannesburgse Metropolisie, Wayne Minnaar, waarsku dat betogings op die Ou Johannesburgpad (R82) naby Lido Hotel, op die R554 naby Jackson Hardware en op die Kliprivierpad (R550) naby Sunbeam Steel plaasvind.

Volgens die Johannesburgse Metropolisie betoog inwoners van die Jacksons-informele nedersetting oor uitsettings in die gebied.

Die metropolisie raai motoriste aan om die Goue-hoofweg as alternatiewe roete te gebruik.
Minnaar sê beamptes is ontplooi om die situasie te monitor.

*Opdatering: Die Midvaal Plaaslike Munisipaliteit het Woensdagmiddag (5 Januarie 2022) laat weet dat die R82 weer oop gestel is vir verkeer maar motoriste gewaarsku om nogtans versigtig te wees.