SASOLBURG. – Inwoners van Sasolburg is hoogs ontstoke oor die haglike toestand van die begraafplaas in Stead straat. Johan van Wyk, ‘n besorgde inwoner,  het Vaalweekblad gekontak nadat hy vergeefs probeer het om geliefdes se grafte te besoek.

“Die gras en bossies staan amper heup hoogte. Mens weet nie wat in die lang gras en bosse wegkruip nie. Ons het die opsigter daar gevra wat aangaan. Volgens hom wag hulle nou almaande vir die tender om aan iemand toegeken te word. Ons is moedeloos,” het van Wyk aan Vaalweekblad gesê.

*Die Metsimaholo plaaslike Munisipaliteit het teen druktyd nie op Vaalweekblad se navrae reageer nie.