VANDERBIJLPARK. – Die sirkel by President Hyper trek al hoe meer aandag, nie net vir die kleurvolle blomme nie, maar ook oor die aantal voëltjies wat daar tuisgaan.

Magda van Schalkwyk van President Hyper het laat weet dat hul nou ook twee sementbakke op die sirkel vasgemessel het waar daar daagliks vir die voëltjies kos gegee word. Sedert hulle die bakke opgesit het, het meer voëls in die bome begin nesmaak.

Magda het gesê na die artikel oor die sirkeltuin verskyn het, besoek mense nou die tuin en kom hul gereeld in die winkel om dankie te sê vir die stukkie lushof.

Lees ook: https://www.citizen.co.za/vaalweekblad/118831/president-sirkel-nou-n-lus-vir-die-oog/