DALESIDE. – Die padfietswedren, wat oor 176km (8 rondtes van die 22km roete) beslis is, het in die laaste paar 100 meter neergekom op ’n naelloop-stryd tussen twee ervare manne met aansienlike internasionale fietsryblootstelling.

Janse van Rensburg, ‘n kranige naelrenner, het in Willie Smit se glipstroom gewag toe hulle deur die derde laaste draai gekom het.

Naby die lyn het hy die voortou geneem en Smit in die naelloop uitgestof.

Janse van Rensburg was ’n kortkop voor Smit by die eindstreep verby.

Smit, wat tevrede moes wees met die tweede plek, kon homself darem daaraan troos dat hy die vorige dag ’n derde plek in die tydtoetskampioenskap behaal het en dus twee keer op die podium kon klim.

Travis Barret van die Honeycomb-fietsryspan (wenner van die 2020 Kaapstad-fietstoer) het die derde plek behaal.