VEREENIGING. – Die Raad vir Geowetenskap het bevestig dat ’n aardbewing Dinsdagoggend (18 Januarie 2022) omstreeks 06:33 gevoel is.

Volgens Mahlatse Mononela, ‘n woordvoerder die vir Raad vir Geowetenskap het die aardbewing ‘n voorlopige 3.5 op die plaaslike magnitudeskaal geregistreer soos aangeteken deur die Suid-Afrikaanse Seismograafnetwerk.

“Die episentrum was in Westonaria, ongeveer 51 km suidwes van Johannesburg, geleë. Die publiek word aangemoedig om hul ervarings op te teken deur die beskikbare aanlynvraelys te gebruik,” sê Mononela.

Die CGS is die bewaarder van die Suid-Afrikaanse Nasionale Seismograafnetwerk wat seismiese golfaktiwiteite regdeur die land monitor. Vir regstreekse opdaterings, besoek asseblief www.geoscience.org.za