“Dit was ‘n groot veld van sowat 50 ryers wat gedurende die dag in aksie was. Dit is baie goed vir die eerste byeenkoms van 2022,” sê eienaar Deon van Rensburg.

Veteraan ryer, Stefan Fourie (44) van Sasolburg het egter sy arm tydens een van die wedrenne gebreek. Hy moes per ambulans hospitaal toe geneem word. Hy is reeds geopereer en sterk tans tuis aan.

Daar was prysgeld op die spel in die verskillende klasse. Die volledige uitslae van die dag se wedrenne was ongelukkig nie beskikbaar nie.

* Die volgende byeenkoms is op 7 Mei.