Die trop is gereeld langs die pad, net verby die lisensiekantore te sien. Hulle hou ook daarvan om by die Zio-sirkel te wei.

Dit gebeur nou egter meer en meer dat motoriste moet stop. “Dit is net ‘n kwessie van tyd voordat iemand een van die bokke raakry,” het een inwoner by Vaalweekblad gesê.

Daar is nie sekerheid aan wie die bokke behoort en wat gedoen kan word om te verhoed dat hulle in die pad rondloop nie.

Dit is ‘n besige pad en motoriste word dus gevra om versigtig te ry en spoed te verminder totdat daar ‘n beter oplossing is.