Dit is die amptelike vrystelling van sy nuwe album “Die hart van ‘n leeu”.  Dennis East wat geen vreemdeling in die Suid-Afrikaanse musiekbedryf is nie, sal gaskunstenaar wees.

Om ‘n kans te staan om die dubbelkaartjies te wen – stuur ‘n epos na elsje.vermeulen@media24.com met jou naam en kontakbesonderhede, asook die naam van Lion Jay se nuwe album.

Lion het reeds heelwat harte met sy eerste vrystelling Dance Forever verower. Sy tweede enkelsnit is ook onlangs vrygestel. “I wanne feel my baby” is sekerlik die kreet van enige motorfietsryer wat al die loutere plesier van die oop teerpad, die wind-in-die-hare en die brute krag van dié reus se enjin tussen sy of haar bene ervaar het.

Dit is waarom Lion Jay, wat verlede jaar sy toetrede tot die musiekbedryf gemaak het, sy nuutste Engelse enkelsnit, Ride my baby, aan alle motorfietsryers opgedra het.

“Ek is self ’n motorfietsentoesias en ek het gepoog om met dié enkelsnit die hunkering na die gevoel van vryheid en die andenalien wat deur jou pomp as jy die oop pad aandurf, weer te gee,” vertel Lion.

Met Ride my baby wyk hy ook nie af van sy country-rock patroon nie. Die snit is een van sy eie pennevrugte en die lirieke is pasknap vir die melodie; dit is ’n vinnige andrenaliengevulde liedjie wat letterlik jou bloed deur jou are laat bruis (en sommer ook jou asem wegslaan).