VAALPARK. – Die Lumiére Primêre Skool het ‘n groot verrassing vir hul atlete gehad wat op 14 Februarie aan die Sone 6 Atletiekbyeenkoms deelgeneem het.

Lumies se eie gelukbringer, Die Luminator is vir die eerste keer bekendgestel. Hy het die atlete persoonlik kom aanspoor langs die baan.

Dit het gewerk, want die Lumies het hul beste gegee en dit het baie goed met die skool se atlete op die baan gegaan.

Volgens juf. Juanita Swart het ‘n hele paar atlete deurgedring na die Vaalrivier byeenkoms.

Die skool het ook nou hul eie kouse wat die kinders dra met die skool se naam en sampioenprentjies op.

Juanita sê die kouse is uniek en vrolik en die kleure van die sampioene pas baie mooi by die amptelike skoolkleure.