Hy en sy vrou het Vrydagaand rustig voor die TV ontspan, teen omstreeks 22:00 het hul twee katte (Babatjie en Kleintjie) buite in die tuin gaan rondloop en speel.

Babatjie het op die muur gespring. Pa Dawie het geraas dat sy moet af en terug in die erf.  Dit was toe Babatjie omdraai en op pad terug is dat die uil sy kans waargeneem het.

“Ek het die gedoente gesien en dadelik vir my vrou gesê ek dink ‘n uil wou Babatjie gevang het,” vertel Dawie.

Babatjie het in die proses van die muur afgespring en het baie verwilderd en met stert wat dik gepof was in die huis ingestorm.

“Ek en my vrou kon dit nie glo nie en moes op die kameras gaan kyk het om dit te sien. Op die video kan daar duidelik gesien word hoe die uil vir Babatjie probeer vang het,” sê Dawie.

“Babatjie is nog effens skrikkerig,  maar ek dink ons het ‘n groter vrees dat een van ons katte deur ‘n uil gevang kan word,” het Dawie afgesluit.