VAALPARK. – Vra die meeste kinders wat hul word en hul kan met groot drome vorendag kom.

Party vergeet langs die pad en slaan ‘n ander koers in. Min begin al op 7 jaar hul droom ‘n werklikheid maak …

Juanru is in Graad 1A in Juffrou Juanita Swart se klas by die Primêre Skool Lumiére. Hy droom daarvan om eendag ‘n boer te word.

Aan die begin van hierdie jaar het hy begin om daardie droom werklikheid te maak deur ‘n groentetuin op hul plot aan te lê.

Al sy harde werk begin vrugte afwerp en op die stadium het hy ‘n goeie oes van tamaties, mielies en lemoenpampoentjies.

Juanita sê Juanru verkoop die groente sodat hy nog saad kan aankoop om sy groenteboerdery uit te brei.

Hy verkoop die mielies teen R7 ‘n mielie en die lemoenpampoentjies vir R2 een.

Die tamaties is R35 vir 25-30 plaasvars tamaties.

Enige een wat graag vir Juanru wil ondersteun kan Juanita kontak by 082 521 3958.