Ek het weer so ‘n lekker-lees berig of drie in die week se Vaalweekblad.

Ons gaan maak ‘n draai by die Vaaldam waar die SAVOF Spele plaasgevind het. Die fokus is op Vanderbijlpark se gestremde vyfster-hengelaar, Norman Steyn.

Dan gaan kuier ons by Jackie van Waveren. Sy is ‘n organiseerder van formaat, ‘n gebore leier, maar ook ‘n doener. Boonop is sy Rotariër, besigheidsvrou, boer, suster, ma en vriendin.

Om alles op ‘n soet noot af te sluit, gesels ek die week in my rubriek, Ek sê maar net …, oor pannekoekbak en hoe my pogings Saterdag ampertjies geflop het. Gaan kry jou Vaalweekblad nou en kom kuier saam!