VEREENIGING. – Volgens inwoners sleep die probleem nou al vir minstens drie weke lank voort.

Die Demokratiese Alliansie (DA) het verlede week in ‘n verklaring gesê miljoene liter duur, behandelde water gaan verlore as gevolg van verouderde infrastruktuur wat nie deur die Emfuleni Plaaslike Munisipaliteit in stand gehou word nie.

Volgens die DA se hoof van die Emfuleni Sentraal-kies afdeling, Dady Mollo, word bykans 47-57% van die munisipaliteit se water vermors weens verouderde pype, onwettige netwerkverbindings, ineenstortende infrastruktuur, foutiewe meterlesings en verouderde stelsels.