Dit is kort daarna bekend gemaak dat kwaaddoeners die sekuriteit by die Curie Boulevard Substasie ‘n rat voor die oë gedraai het deur hulle as werknemers van ELM voor te doen en toegang tot die perseel verkry het.

Die mans was glo vir ‘n wyle in die kragstasie besig, waarna daar op kringtelevisie gesien kan word hoe hulle weghardloop, in hul motors spring en wegry. Die ontploffing het kort daarna plaasgevind wat dit laat voorkom of dit beplande sabotasie was.

Daar sal nou ondersoek moet word hoe die personeel van die sekuriteitmaatskappy wat glo R6 miljoen per maand betaal word om te sorg dat die soort voortval nie gebeur nie, dit so maklik laat gebeur het.