Marita se 5m marathon – die wonderwerk gaan voort
Marita se vriende het nog 'n fondsinsamelingspretloop vir haar gereël en die keer kon sy dit bywoon en selfs deelneem!
VANDERBIJLPARK. – Een van die Vaal se moedigste MS-lyers, Marita Seyffert het Saterdag weer bewys hoeveel deursettingsvermoë en geloof sy het.
Met haar sprankelende positiwiteit het sy een en almal verras toe sy die laaste 5m van ‘n pretloop met haar loopraam afgelê het.
Die pretloop is op 23 April 2022 by die Heron Banks Gholfbaan gehou om fondse in te samel vir Marita se verdere behandeling na die suksesvolle stamseloorplanting.
“Dit was ‘n groot sukses”, het Marita na die tyd laat weet nadat sy verlede week hard geoefen het om die 5m te kan loop.
Voorwaar ‘n belewenis om te sien nadat sy maande lank aan haar rolstoel gekluister was.
Gaan kyk gerus die video hier.
Om meer oor Marita se pad voor en na die stamseloorplanting te lees gaan gerus na https://www.citizen.co.za/vaalweekblad/127511/marita-voorbeeld-en-kampvegter-vir-ms-lyers/ en https://www.citizen.co.za/vaalweekblad/130692/n-wonderwerk-vir-paasfees/.
