VEREENIGING. – Volgens Russel Meiring, ‘n woordvoerder vir ER24, het ER24 en die Midvaal-brandweer omstreeks 11:03 by die toneel aangekom en een vragmotor bo op die ander langs die snelweg aangetref.

“Een van die mans het op die toneel rondgeloop en ‘n ander was in die vragmotor vasgekeer. Die man in die voertuig was in ‘n kritieke toestand terwyl die ander een matige beserings opgedien het,” vertel Meiring.

‘n Hyskraan is gebruik om die een vragmotor van die ander een af te lig.

Daarna kon die Midvaal-brandweer die beseerde man uit die vragmotor sny.

Die pasiënte is op die toneel behandel en na ‘n privaathospitaal geneem vir behandeling.