VEREENIGING. – Volgens die Sektor 2-taakspan het hulle omstreeks 17:20 Maandag inligting ontvang oor dwelms wat by ’n woning in Drie Riviere verkoop word.

Lede van die Sektor 2 GPF-taakspan, die Sedibeng-honde-eenheid en VR Security het verdere inligting bekom en omstreeks 21:35 ’n klopjag by die perseel uitgevoer.

Dertien mense is by die perseel aangetref en die polisie het ‘n deeglike soektog gedoen.

’n Polisiehond het drie groot sakke dwelms en dwelm-toebehore uitgesnuffel.

Die polisie het op die vonds  beslag gelê.

Twee verdagtes is in hegtenis geneem vir die besit van dwelms en ook vir handeldryf in dwelms.