Die dag word in verskeie lande op die vasteland van Afrika en regoor die wêreld gevier en word jaarliks gehou om die stigting van die Organisasie vir Afrika-eenheid op 25 Mei 1963 te herdenk.
Die Organisasie vir Afrika-eenheid is op 9 Julie 2002 in Durban, Suid-Afrika in die Afrika-unie omskep.
The Afrika-unie bestaan uit 55 lidlande op die kontinent van Afrika.
Die hoofdoelwitte van die destydse OAE wat nou as die Afrika-unie bekend staan is:
*Om die eenheid en solidariteit van die Afrika-state te bevorder;
*Om hul samewerking en pogings om ‘n beter lewe vir die mense van Afrika te bewerkstellig te koördineer en te versterk;
*Om hul soewereiniteit, hul territoriale integriteit end onafhanklikheid te verdedig;
*Om alle vorme van kolonialisme uit Afrika uit te roei; en
*Om internasionale samewerking te bevorder, met inagneming van die Handves van die Verenigde Nasies en die Universele Verklaring van Menseregte.
