Eerste Midvaal Marathon lok meer as duisend atlete
Meer as 'n duisend mense het Sondag 29 Mei 2022 aan die eerste Midvaal May Marathon in Meyerton deelgeneem.
MEYERTON. – Die marathon is deur die Meyerton Atletiekklub in samewerking met die Midvaal Plaaslike Munisipaliteit aangebied.
Volgens die amptelike uitslae het 805 atlete aan die marathon (42.2km) deelgeneem, terwyl 370 mense aan die halfmarathon (21.1km) deelgeneem het.
Altesaam 207 mense het aan die 10km-wedloop deelgeneem. Dit is onbekend hoeveel atlete aan die 6km-wedloop deelgeneem het.
Robert Mathonsi van die Khomanani Atletiekklub het die marathon in ‘n tyd van 02:42:37 gewen. Matome Charles Moloto van die AEL Atletiekklub was tweede in ‘n tyd van 02:43:27. Meyerton Atletiekklub se eie William Mokwalakwala het die derde plek behaal in ‘n tyd van 02:46:09.
Natasha Malan van Impala Marathonklub het die dameswedloop (marathon) in ‘n tyd van 03:30:12 gewen. Gaylin Matthews van Sunninghill Striders was tweede in ‘n tyd van 03:30:26. Sonja van der Merwe van Kempton Road Runners was derde in ‘n tyd van 03:32:34.
Besoek https://peaktiming.co.za vir die volledige uitslae.
