VANDERBIJLPARK. – Die landloopbaan op die casino se gronde het dit alles gehad; opdraandes, afdraandes, skerp heuweltjies, klipperige gedeeltes, grasserige gedeeltes, grondpaadjies, woude, modder en selfs ‘n houtbrug!

Vanjaar se landloopliga bestaan uit ses ligabyeenkomste wat by Hoërskool Transvalia, die Noordwes Universiteit se Vaaldriehoekkampus, die Vaal Universiteit van Tegnologie, die Emerald Casino  en Stonehaven gehou word.

Die provinsiale kampioenskap vind op 20 Augustus 2022 plaas, waar atlete vir die Vaaldriehoek-span gekies sal word.

Die span sal op 17 September 2022 die Vaaldriehoek by ASA se nasionale landloopkampioenskappe in Rustenburg verteenwoordig.

*Die volgende byeenkoms van Atletiek Vaaldriehoek se landloopliga vind op 23 Julie by die Stonehaven-bergfietsbaan plaas.