VANDERBIJLPARK. – Die span van Curbside Blessings Vanderbijlpark het op 16 Junie 2022 die vakansiedag geberuik om na ander uit te reik.

Hul het by die klein huisies omgegaan en onder andere kospakkies, speelgoed, lekkergoed en komberse vir die mense uitgedeel.

Nita van der Merwe sê hulle het ook van die geleentheid gebruik gemaak om sommer so oor die draad en in die straat vir mense te bid.

Die dag was ‘n groot sukses. Sy bedank almal wat vir hul donasies gegee het, asook die span wat gehelp het om die skenkings uit te deel en die mense te bemoedig.

Curbside Blessings is voortdurend besig om uit te reik na minderbevoorregtes en is dus altyd op soek na nie-bederfbare voedsel, seep, tandepasta, skoonmaakmiddels, komberse, klere, skoene en selfs speelgoed.

Kontak Nita by 0625525598 indien jy kan help.