Local newsNewsNews
Voertuig bars deur muur, beland in swembad
'n Man het beserings vrygespring toe hy in die vroeë oggendure van Saterdag (25 Junie 2022) beheer oor sy voertuig verloor, deur 'n muur van 'n huis in Sophiastraat in Risiville gebars en in die swembad beland het.
VEREENIGING. – Volgens die dame wat daar bly het sy en haar man geslaap toe hulle bande hoor skree het en toe ‘n harde slag gehoor het.
“Toe ons buite kom was die voertuig in die swembad maar niemand by die voertuig nie,” vertel sy.
Volgens die vrou was die water koud en die bestuurder is huis toe om droeë klere te gaan aantrek.
Hy het later teruggekom.
Dit het tussen Vrydagaand (24 Junie 2022) en Saterdagoggend (25 Junie 2022) baie gereën.
Volgens die vrou is dit die eerste keer in 30 jaar wat hulle in die huis bly wat so iets gebeur.
Die voertuig is Saterdagmiddag verwyder.
Volgens die vrou is daar skade aan die muur en moontlik skade aan die swembad ook.
Daar het heelwat olie op die toneel agter gebly.
At Caxton, we employ humans to generate daily fresh news, not AI intervention. Happy reading!
