HENLEY-ON-KLIP. – Die speaker van die Midvaal Plaaslike Munisipaliteit, raadslid Alan McLoughlin, was besig om gaste te verwelkom toe die krag meteens afgegaan en die saal van die Assemblies of God-sentrum in duisternis gedompel is.

“Dames en here, dit lyk of beurkrag ons pas getref het,” het McLouhlin op sy droë manier tot die vermaak gaste aangekondig.

Gelukkig het die beplanners die moontlikheid van kragonderbrekings voorsien en gesorg dat daar ‘n kragopwekker byderhand is.

Die krag was binne ‘n paar minute aan en Teixeira kon later met sy toespraak voortgaan.

In die paar minute wat daar gewag is vir die kragopwekker om in werking gestel te word, het die seremoniemeester, raadsheer Phil Pretorius, sy selfoonflits gebruik om die papier met McLoughlin se notas op te verlig.

Dit het McLoughlin gehelp om sy toespraak te voltooi.

Oor die kwessie van energiesekerheid het Teixeira later tydens sy toespraak gesê: “Die gebrek aan energiesekerheid is onaanvaarbaar in ‘n wêreld wat in die rigting van groen tegnologie en omgewingsvriendelike en volhoubare energie beweeg.

“Die nuwe administrasie sal die munisipaliteit se strategie ten opsigte van skoon energie finaliseer. Die plan sal kragverbruik van die munisipaliteit, sowel as vir kragverbruikers verminder.

“In ‘n poging om energie te spaar, nuwe tegnologie te omarm en ons eie verbruik van elektrisiteit te verlaag, het ons departement vir ingenieursdienste ‘n 6 kW fotovoltaïese opwekkingseenheid by ons Randvaal kantore, sowel as by ons kliëntedienssentrum laat installeer.

“Dit sal verseker dat dienste selfs tydens beurtkrag onverhinderd kan voortgaan.”

Teixeira het ook gesê dat die munisipaliteit besig is om van onwettige kragverbindings ontslae te raak.

“In die afgelope ses maande het die munisipaliteit verliese van elektrisiteit vanaf 18.1% tot 9.7% verlaag, en ek dink dit verdien ‘n applous,” sê hy.

Teixeira sê dat inwoners van die Midvaal Plaaslike Munisipaliteit teen die einde van 2026 in die posisie wees om alternatiewe energie van onafhanklike kragverskaffers te verkry.

Volgens Teixeira sal die munisipaliteit se ingeneurs by sustermunisipaliteite in die Wes-Kaap leer hoe om minder afhanklik van die Suid-Afrikaanse kragnetwerk te word.

“Ons kan baie leer by die munisipaliteite van Kaapstad en Stellenbosch wat reeds besig is om die weg te baan in terme van enerie-selfonderhoudendheid,” sê Teixeira.

“Beurtkrag sal ‘n ding van die verlede wees in hierdie munisipaliteit.”

“Hierdie munisipaliteit is besig om te kyk na maniere en tegnologië wat kan help om ons afhanklikheid van Eskom drasties te verminder.