VEREENIGING. – Terwyl werkers van die Emfuleni Plaaslike Munisipaliteit se parke-afdeling oorkant die pad besig was om gras te sny en takke te snoei om Vosloopark se voorkoms te verbeter was dit besigheid soos gewoonlik by die “herwinningstasie”.

Nie te ver daarvan af nie is daar ‘n teken wat waarsku dat mense wat rommel in die park strooi met R2000 beboet kan word.

Te oordeel aan lugfoto’s lyk dit of alle mensegemaakte rommel – insluitend plastiek, karton, glas en selfs skrootmetaal – daar verwerk word.

Vragte word kort-kort deur ‘n oorlaaide bakkies opgetel en weggery.

Die park word al vir ‘n geruime tyd as ‘n onwettige stortingsterrein gebruik.

Selfs inwoners van woonstelle in Deerylaan strooi self hul rommel hier voor hul eie deur.