Middel Julie en die luggie is maar skraal in die oggende en ysig in die aande. Gelukkig is daar altyd goed voel stories in die Vaalweekblad om bietjie warmte om die hart te gee.

Die week kuier ons by Kinderwelsyn se Magda de Man, die een met die sagte hart en sterk geloof. Dan is daar die storie van Ivan, ‘n oudleerling van Eurekaskool, wat onlangs deur Nick Rheeder die kans van ‘n leeftyd gegun is.

In my rubriek, Ek sê maar net, gesels ek oor al die mense wat onbaatsugtige dienswerk in die Vaaldriehoek doen en in die sportblaaie kan jul meer lees oor die onlangse SA Veerpyltjie kampioenskappe.

My kollegas het ook ‘n bedrywige week agter die blad en daar is iets van alles in die koerant die week. Kyk ook uit vir die Vaalweekblad se nuwe kompetisie en dan is daar natuurlik nog die blokraai ook.

Bly warm. Wees veilig en hou die blink kant bo.

Groetnis