VEREENIGING. – Volgens Dennis Ryder, die Demokratiese Alliansie se voorsitter in die Vaal-streek, kom die besoedeling van die Emfuleni Plaalike Munisipaliteit se pompstasie #16 af.

Die rioolvuil stroom met behulp van ‘n sloot wat gegrawe is direk in die Vaalrivier in.

Ryder lê die blaam vir die probleem voor Rand Water se deur.

“Rand Water is veronderstel oorsig te hou oor die verbetering van die rioolsisteem, maar dit lyk of geen moeite gedoen word nie en tans sit ons met die probleem van liters en liters rioolvuil wat onverpoosd in die Vaalrivier stroom,” sê Ryder.