VAALPARK. – Gert Janse van Rensburg van o.a The Bar with No NAME dink anders. Hy is altyd opsoek na nuwe idees en dinge wat by die gewilde kuierplek en restaurant kan plaasvind.

Saterdag, 6 Augustus is daar glad ‘n “klap-kompetisie” aan die gang. Voorwaar, groot manne  (en vroue) het mekaar uitgedaag om te kyk wie kan vir wie omslaan met die plathand.

Nou nie in almal se beker boeretroos nie, maar die kaartjies is reeds uitverkoop.

Hierdie Saterdag, 23 Julie, is daar ‘n hele pretdag beplan. Om 10:00 moet al die “klap-strydosse” aanmeld vir hul medies goedkeuring.

Om 12:00 gaan 50 deelnemers mekaar die stryd aansê in ‘n “hotdog-eet” kompetisie. Daar gaan gekyk word wie kan die meeste hot-dogs in 10 min verober. Maagpyn gewaarborg vir die deelnemers en groot pret vir die omstanders.

Maar, dis nie al nie, soos hulle op die tv-ads sê. Die einste The Bar with No NAME het ook nou ‘n spesiale kompetisie geloods op hul Facebookblad.

‘n Gesin staan die kans om ‘n regte “drive-in” movie ondervinding te wen, kompleet met springmielies en pizza ingesluit. Wel, hulle voorsien selfs die motor waarin die gesin die movie kan kyk – die Bar with No NAME se eie stasiewa.

Die rolprent sal in die Village vertoon word en sal kindervriendelik wees, want natuurlik moet die kiddies saamkom vir die geleentheid. Gou speel die kompetisie sluit eersdaags.

Gaan loer gerus op hul Facebookblad vir meer besonderhede.