VEREENIGING. – Volgens Dalene Venter, raadslid vir Drie Riviere, het die pyp sowat drie dae gelede gebars.

Werkers van Metsi-a-Lekoa, die water- en sanitasiediens van die Emfuleni Plaaslike Munisipaliteit, was glo daar om die lek reg te maak, maar moes volgens Venter omdraai omdat hulle nie die regte toerusting en parte het nie.

Intussen het daar al baie water in die spreekwoordelike see geloop en nou is gedeeltes van Fase 1 van die Palms Aftree Oord onder water.

Dit is so erg dat die water nou al in eenhede by die ouetehuis in stroom.

Venter was Donderdagoggend (21 Julie 2022) by die aftree oord om oplossings te probeer vind.

Volgens Venter is dit ook problematies dat daar geen dreineringstelsel langs Palmstraat is om water op te vang nie.