VEREENIGING. – Die gedurige stroping van die elektriese infrastruktuur het kragonderbrekings tot gevolg wat soms dae aaneen duur en veroorsaak ‘n groot kopseer vir inwoners van die gebied.

Die gereeldheid waarmee dit gebeur is ‘n bron tot kommer.

Volgens Venter blyk dit of dit die werk van ‘n koperdiefstalsindikaat kan wees.

In die nuutste voorval is inwoners van Drie Riviere sonder krag gelaat toe daar vermoedelik tussen 23:00 Woensdagaand (7 September 2022) en 01:00 Donderdagoggend (8 September 2022) by die substasie in Teakstraat in Drie Riviere, naby die Palms Aftree Oord, ingebreek is en die substasie gestroop is.

Diefstal van elektriese infrastuktuur word nie deur die Emfuleni Plaaslike Munisipaliteit by die polisie aangemeld nie. Gevolglik word die sake nie ondersoek nie en die misdadigers ry nie aan die pen nie.”

Verskeie substasies is in die afgelope paar weke op ‘n soortgelyke wyse gestroop.

Volgens Venter gebeur dit gewoonlik tussen 11:00 en 01:00 in die nag en meer as dikwels ‘n paar dae voor ‘n naweek.

‘n Kommerwekkende tendens is ook besig om pos te vat waarby misdadigers kabels van pale af knip en steel.

Volgens Venter ry oortryders bykans nooit aan die pen nie omdat diefstal van staatseiendom soos dié selde deur die Emfuleni Plaaslike Munisipaliteit by die polisie aangemeld word.

Daar is blykbaar nie ‘n sisteem in plek om diefstal van elektriese infrastruktuur te rapporteer nie, en daar dit is onduidelik presies wie vir die rapportering daarvan verantwoordelik is.

Venter wil die saak tydens ‘n raadsvergadering van die Emfuleni Plaaslike Munisipaliteit aanroer om ‘n oplossing te probeer vind.