SASOLBURG. – Hier is nou ‘n groot lekkerte om erfenis naweek mee af te skop. NG Sasolburg Fontein gemeente hou ‘n Lentefees en Kinderkarnaval op Vrydag, 23 September.

Die pret skop af om 15:00 en die aksie duur tot 19:00.

Daar is ook ‘n spesiale koekversierkompetisie vir die jongspan en die manne. Kom kyk gerus na die aanskoulike soet pogings.

Marida Steurer het laat weet daar sal ook ‘n skopfietswedren en ‘n kruiwastootkompetisie gehou word.

Die Gr R Pom Pom meisies van Lumiére Primêr en Vaalpark Primêr se Cheerleaders gaan spesiale vertonings lewer.

Daar sal meer as genoeg wees om die groot honger na werk te stil en die dors te les. Hierdie beloof om ‘n baie lekker saamkuier-fees vir oud en jonk te wees.

Toegang is gratis. Kom deel in die pret.