SASOLBURG. – Die Drakensbergs Seunskoor tree op 30 November op by die Etienne Rousseau Teater in Sasolburg. Die eenmalige vertoning maak deel uit van hul Noël Toer en beloof om weer sang en musiek van wêreldgehalte te bring.

Die Drakensberg Seunskoor (algemeen bekend) as Drakies bestaan al sedert 1967 en om hul in lewende lywe te hoor en te sien is altyd ‘n voorreg. Keuring is baie streng en net die top Drakies word in die toergroep ingesluit.

Kom ontspan 30 November by die ERT en beleef al die nostalgie en mooi wat net Kersliedere kan bring saam met die Drakies. Die vertoning begin om 18:30 en kaartjies beloop tussen R150 en R200. Bespreek vandag nog by www.ertickets.com