Daar word beweer dat blootstelling aan Boeremusiek tot spontane uitbarstings van energie, vreugde en vrolikheid kan lei!

Dit is dus ‘n aktiwiteit wat versigtig aangepak moet word, maar as jy kans sien om die risiko te loop om onbeheerbaar vrolik te voel, kom kuier dan op 26 November vanaf 09:30 die oggend tot laataand saam met die Boeremusiek Gilde se Vaaldriehoektak in Bloekompoort, Midvaal.

Daar gaan gelag, gedans en gekuier word en vure, pap en sous sal voorsien word. ‘n Geringe toegangsfooi van R25 vir lede en R45 vir nie-lede sal betaalbaar wees. Oornaggeriewe is ook beskikbaar.

Die GPS-koördinate is S 26’45.078  en E 28’5.1789 400.

Kontak Bennas by 062 275 0026 of Phyllis by 083 727 3586 vir meer besonderhede.