MEYERTON. – Motorfietsryers trek op 26 November saam vir ‘n groot fondsinsamelingsdag ten bate van Hennie Booysen (66). Hennie, ‘n boorling van Heilbron, is bekend as die fotograaf by rallies.

Kleintyd was hy in ‘n ongeluk betrokke waar hy sy bene beseer het. Onlangs het sy een linkerbeen weer begin moeilikheid gee en na onsuksesvolle operasies moes dit gamputeer word weens ‘n aneurisme in die waai van sy been.

Hy is tans nog in die hospitaal en die motorfietsryers, met Valhalla Vaal MC en Bounty Riders Midvaal aan die stuur, het besluit om Hennie se huis rolstoelvriendelik te maak.

Dit behels dat alles van die badkamer tot by die ingange omskep en vergroot moet word. Pieter Pretorius, President van Bounty Riders het gesê hulle het reeds heelwat boumateriaal ontvang en het ook reeds ‘n boukontrakteur wat die werk sal verrig.

Hulle benodig nog fondse en daarom het hulle die groot veiling en “day jol” gereël by die Bounty Riders se  klubhuis in Meyerton.

Hekke open om 10:00 en daar sal heelwat pret en lewendige vermaak wees. Ingang is R50 per persoon.

Indien enige iemand nog veiling items wil skenk of finansiële bydraes wil maak, kan hul vir Pieter kontak op WhatsApp. Sy nommer is 082 081 75 76.