Vliegongeluk by Bass Lake eis lewens van toetsvlieënier en fotograaf
'n Toetsvlieënier en 'n fotograaf is dood nadat hul ligte vliegtuig Maandag (2 Januarie 2023) in Bass Lake by Henley on Klip neergestort het.
HENLEY ON KLIP. – Die Sling 2-vliegtuig met Kaptein Sean Russel (47), ‘n toetsvlieënier, en Dane Anthony Fourie (35), ‘n fotograaf, aan boord het glo by die Tedderfield-lughawe opgestyg en oor Bass Lake gevlieg toe dit neergestort het.
Volgens ooggetuies het die vliegtuig oor suid-westelike wal oor Bass Lake gevlieg en toe laag gedaal.
Die vliegtuig het laag oor die water gevlieg en toe skerp probeer klim teen die noord-oostelike helling op.
Dit is toe wat die vliegtuig glo gestol en uit die lug geval het.
Blykbaar het die vliegtuig twee keer op die water gehop voordat dit tot die bodem afgesink het.
Die meeste van die skade is aan die voorkant van die vliegtuig.
Die regterkanste vlerk het vermoedelik tydens impak afgebreek.
Lede van die Midvaal Brandweer, die Nasionale Seereddingsinstituut, ER24, die polisie se honde-eenheid en polisieduikers was Maandagaand op die toneel en het Russel en Fourie se lyke omstreeks 20:30 uit die water gehaal.
Die vliegtuig is die volgende dag (Woensdagoggend, 3 Januarie 2023) met behulp van ‘n hyskraan wat deur Afrimat voorsien is uit die water gelig.
Sisa Majola, ‘n woordvoerder vir die burgerlugvaartowerheid, het die voorval bevestig.
Hy sê die vliegongeluk het Maandag omstreeks 18:10 gebeur.
“Die vliegtuig het van die Tedderfield-lughawe in Gauteng opgestyg met twee mense aan boord en sou op dieselfde lughawe land.
“Beide die vlieënier en die passasier het noodlottige beserings opgedoen en die vliegtuig het aansienlike skade in die voorval opgedoen.
“Die vliegtuig het met die waterliggaam gebots en toe tot die bodem afgesink.
“Ondersoekers is ontbied en het is tans besig om bewyse in te samel om te bepaal hoe die ongeluk gebeur het,” het Majola in ‘n verklaring gesê.
‘n Voorlopige verslag oor die vliegongeluk behoort volgens hom binne ongeveer 30 dae beskikbaar te wees.
‘n Vriende van Russel beskryf hom as ‘n ervare vlieënier.
Russel was glo ‘n toetsvlieënier wat Sling se vliegtuie uitgetoets het.
Hy het blykbaar by die Tedderfield-lughawe gebly.
Fourie was glo ‘n fotograaf.
