Watervoël sensus, kom tel saam
Die Vaal Voëlklub skop die jaar op 'n bedrywige noot af. Lees meer...
VANDERBIJLPARK. – Die Vaal Voëlklub hou Saterdag, 28 Januarie 2023 hul eerste Coordinated Waterbird Count (CWAC) of dan watervoëlsensus op die Vaalrivier.
Dit is die 20ste CWAC op die Vaalrivier wat deur die Vaalvoëlklub gereël word en deur Stonehaven on Vaal geborg word.
Gaste is welkom om te kom help tel. Kontak vir Cliff Wright (083 304 5797) om jou naam deur te gee.
Almal kom om 06:00 by Stonehaven on Vaal bymekaar vanwaar hulle in groepe opgedeel sal word
Die Voëlklub se eerste byeenkoms vind plaas Maandag, 16 Januarie by die Palm’s Aftreeoord.
Na ‘n kort algemene vergadering gaan Hennie Storm gesels oor die voëls in die suidelike gedeelte van Mozambiek.
Gaste is welkom om die aand by te woon en by die klub aan te sluit.
Vir meer inligting oor die Vaal Voëlklub en hul bedrywighede kontak Rina de Klerk by 082 626 6990 of stuur ‘n e-pos na deklerkr@telkomsa.net.
