Local newsNewsNews
HS Overvaal skoolmaats kuier saam na 36 jaar
Tyd staan nie stil nie, dit vlieg eintlik verby. Maar die tyd is onlangs terug gedraai vir 13 skoolvriende wat 36 jaar gelede saam aan die HS Overvaal in Vereeniging matrikuleer het.
Elize Kunppel (voorheen Van der Walt) wat reeds jare lank in Dubai woon, het besluit dat haar Januarie-kuier in Suid-Afrika sommer ‘n mini-reunie met ‘n paar skoolvriende moet insluit.
Na een of twee oproepe aan oud-skoolmaats is die bal aan die rol gesit. Op Saterdag, 21 Januarie het 13 skoolvriende weer saam gekuier na al die jare.
Die geleentheid is by Blos Café in Faerie Glen, Pretoria gehou. Die maats wat die onggend saam gekuier het sluit in:
Elize van der Walt-Knuppel, Tanya Singleton, Helen van Heerden (al die pad uit die Kaap), Michelle Henrico, Michelle Mans, Elsje Vermeulen, Carmen Johns (al die pad van Bloemfontein), Cecilia Nel, Chami Degenaar, Marna Enslin, Erika Liebenberg, Elmarie Strydom en Gerrit Cloete (die enigste haan onder die henne op die dag).
Sommige van die oud-vriende is reeds van laerskool in mekaar se lewens. Uit die 13 is slegs 3 steeds woonagtig in die Vaal.
Maar soos Dr. Seuss sê: How did it get so late so soon?
Die tyd om mekaar weer te groet het te vinnig aangebreek, maar aan die einde van die dag was vriendskapsbande verstewig en harte oorvol van liefde en dankbaarheid.
Tyd is so kosbaar, mens besef nie hoe waardevol dit is totdat dit weg is nie. So maak die beste van elke dag, koester jou mooiste herinnering uit die verlede … en soms is mens gelukkig om sulke oomblikke weer te herleef (al is dit net vir een sonnige Saterdag).
At Caxton, every story is written by humans. We use AI only to perform quality checks - never to generate the news. Happy reading!
