MEYERTON. – Die uitvoerende burgemeester van die Midvaal Plaaslike Munisipaliteit het Vrydag (27 Januarie 2023) Midvaal se top matrikulante vereer en toegespreek tydens ‘n middagete by die Meyerton-stadsaal in Krugerstraat.

Teixeira het tydens ‘n kort toespraak aan leerlinge, ouers, onderwysers en verteenwoordigers van die departement van onderwys gesê die groep matrikulante van 2022 sal daarvoor onthou word dat hulle bo uitdagings soos die Covid-19 pandemie en beurtkrag uitgestyg het.

Teixeira het skoolhoofde en onderwysers bedank vir hul toewyding en harde werk en bygevoeg dat die onderwysprofessie somtyds ‘n ondankbare werk wees.

Destinata Skool het weer vanjaar ‘n 100% slaagsyfer behaal.

Die Hoërskool Dr. Malan het ‘n 99.50% slaagsyfer behaal.

Meyerton High het ‘n 79.60% slaagsyfer behaal, terwyl New Hope Secondary School ‘n slaagsyfer van 78.70% en Rusoord Secondary School ‘n 78% slaagsyfer behaal het.

Midvaal se top-matrikulante (van staatskole) is as volg:

1.Anzel van Wyk van Hoërskool Dr. Malan met ‘n gemiddeld van 88% en 6 onderskeidings.

2.Lauren Smith van Hoërskool Dr. Malan met ‘n gemiddeld van 87% en 7 onderskeidings.

3.Jared Ras van Destinata Skool met ‘n gemiddeld van 81% en 3 onderskeidings.

4.Amanda Kimori van Meyerton High School met ‘n gemiddeld van 79% en 4 onderskeidings.

5.Louis Bosch Malan van Destinata Skool met ‘n gemiddeld van 77% en 2 onderskeidings.

6.Manana Karabo van Meyerton High School met ‘n gemiddeld van 76% en 2 onderskeidings.

7.Lehlohonolo Mokoena van Rusoord Secondary School met ‘n gemiddeld van 74% en 1 onderskeiding.

8.Puseletso Mapola van Rusoord Secondary School met ‘n gemiddeld van 70% en 1 onderskeiding.

9.Lerato Ngobeni van New Hope Secondary School met ‘n gemiddeld van 68%.

10.Lydia Khori van New Hope Secondary School met ‘n gemiddeld van 67% en 1 onderskeiding.