Local newsNewsNews
Man wat honde verwaarloos kry R10 000 boete of tronkstraf
'n Man van Vanderbijlpark wat verlede jaar aangekla is nadat hy 12 honde op sy eiendom verwaarloos het is 'n boete van R10 000 of sewe maande tronkstraf opgelê
VANDERBIJLPARK. – Mnr. Selebalo Clement Molefe (37) is onlangs in die Vanderbijlpark-landdroshof skuldig bevind op vier aanklagte van wreedheid teenoor diere in terme van die dierebeskermingswet.
Die hof het ook ‘n kostebevel teen Molefe gemaak waarvolgens hy die veeartsonkostes wat deur die Dierebeskermingsvereniging van Vereeniging en Vanderbijlpark aangegaan is moet betaal.
Inspekteur Lycinda Visser van die DBV het tydens die saak getuig, waarna Molefe skuldig gepleit het op die aanklagte teen hom.
Die honde was volgens die DBV uitgeteer en in ‘n verswakte toestand toe hulle gevind is.
Die diere is in vuil toestande aangehou en het nie toegang tot kos en water gehad nie.
At Caxton, every story is written by humans. We use AI only to perform quality checks - never to generate the news. Happy reading!
