Die week is daar weer ‘n mengelmoes van stories in die Vaalweekblad, van hartseer nuus tot sportprestasies.

8 April het daar ‘n vuur in die Geyers se huis in Sasolburg ontstaan. In die week het ek ‘n draai by hulle gemaak en die verwoesting aanskou.

Hulle het bykans alles verloor, maar werk nou hard om die huis weer bewoonbaar te kry.

Naas die hartseer nuus is daar ook ‘n lekker goed voel storie oor Pierre de Villiers en sy dienshond, Zara op bl.5.

Leer die man agter Vanderbijlpark se baie WhatsApp klagtegroepe, Will van nader ken en kyk wie verteenwoordig die Vaaldriehoek in die Mrs Grand SA kompetisie.

In my rubriek, Ek sê maar net, speel ek potjiekos beoordelaar, gesels met Liewe Heksie en giggel vir my kollega se kantoormannewales.

Dit en nog vele meer in die week se Vaalweekblad, beskikbaar vanaf 21 April 2023.